عارف يعنى ايه بحبك؟ يعنى تبقى كل حاجة فى دنيتى .......... يعنى تبقى أمانى وسكنى ..........يعنى ابقى شايفة كل الدنيا فى عينيك ......... يعنى أبقى طفلتك اللى لما تغضب منها تاخدها فى حضنك وما تقساش عليها مهما عملت فيك ........... يعنى تبقى النور جوايا لو فى يوم حسيت أن كل حاجة ظلام ......... يعنى تبقى أبويا وأخويا ونفسى .......... يعنى تبقى أنا وأبقى أنا أنت بنفكر بنفس الفكر وبنحس بنفس الاحساس وبنفهم بعض من غير ما نتكلم ونداوى جروح بعض بقلوبنا ....... يعنى أول ما أحس أن الدنيا ضاقت على أجرى عليك علشان أتنفس هوا روحك وأخد طاقتى منك ....... يعنى أبقى أنا أمك وأختك وحبيبتك وكل حاجة فى حياتك .......... يعنى اشوف الحب معاك بشكل جديد ....... يعنى نعمله سوا ونكبره جوانا ...... يعنى أشوف جواك خوف على ......... يعنى الاقيك دايما مختلف عنهم كلهم ...ايوه اصلك انت عندى حاجة منفردة ما ينفعش يكون فيه زيها اتنين ......... يعنى افرح قوووووووووووى لما احس انك بتخاف على وبتتقى ربنا فى ......... معاك بقيت باشوف كل حاجة حلوة حتى لو كانت وحشة باجملها وباشوفها حلوة اصل معاك ما ينفعش يكون فيه حاجة وحشة اصلا. ......... عايزة اعمل معاك العالم اللى كنت بارسمه من وانا صغيرة كنت باعمله علشان اعيش فيه لوحدى لانى مش كنت شايفة حد يستحق انه يعيش فيه معايا لكن طالما انت معايا هادخلك فيه وهنكون سوا .عاوزاه يكون اجمل من اللى رسمته علشان يليق بيك. ايوه اصل انت تستحق احلى حاجة فى الدنيا اصلك جميل قوى وقلبك ده اغلى حاجة عندى ونفسى احافظ عليه قوى ومش اجرحه ابداااااااااااااا مش تخاف طول ما انت معايا هافضل فى احسن حالاتى ومش هاحاول اجرحك ابدا ربنا يخليك لى وتفضل دايما طاقة النور فى حياتى واكمل معاك حياتى وتبقى حياة جديدة كلها خير وحب وسعادة ان شاء الله.......عرفت بقى يعنى ايه"ب....ح....ب....ك"
